Шағын ғана кәсіп ашу үшін «Даму» Қорынан қандай қолдау ала аласыз?

Шағын ғана кәсіп ашу үшін «Даму» Қорынан қандай қолдау ала аласыз?

Егер сіз микро-, шағын кәсіпкерлік субъекті санатына жатсаңыз және бизнес-жобаңызды жүзеге асыруға 20 млн теңгеге дейін қаржы қажет болса, «Бизнестің жол картасы – 2025» мемлекеттік бағдарламасы (1-бағыты) аясында қолдау алыңыз.

Бағдарламаның бірінші бағыты бойынша жылына 6%-бен (субсидия есебінен) несие алып, банк талап еткен кепілзатыңыз жетпеген кезде «Даму» Қорының кепілдігін пайдаланыңыз. Бағдарламаның артықшылықтары көп. Мысалы:

✔️ Бизнестің саласына шектеу жоқ

✔️ Қор өтінімді қысқа уақытта қарастырады

✔️ ЕДБ/МҚҰ және Қорға аз құжат өткізесіз

Бағдарлама аясында субсидиялау шарттары:

Максимал сома:

▪️  инвестицияға – 20 млн тг дейін

▪️ айналым қаражатын толықтыруға – 5 млн тг дейін

Сыйақы мөлшерлемесі – субсидия есебінен 6%

Сусбсидия мерзімі:

▪️  инвестицияға – 3 жыл

▪️ айналым қаражатын толықтыруға – 2 жыл

Бағдарлама аясында кепілдік алу шарттары:

Максимал сома:

▪️ инвестицияға – 20 млн тг

▪️ айналым қаражатын толықтыруға – 5 млн тг

Кепілдік көлемі: несие сомасының 85%-ы

Мерзімі: несие мерзімінен аспайды

⠀ «Бизнестің жол картасы – 2025» мемлекеттік бағдарламасы (1-бағыты) аясында субсидия/кепілдік алуды қадам-қадам бойынша түсіндірер болсақ:

Портфель субсидия/кепілдігін алу үшін кәсіпкер:

1) ЕДБ/МҚҰ-ға қаржыландыру сұрап өтінім береді.

2) Жобаны кешенді түрде сараптамадан өткізген соң ЕДБ/МҚҰ тарапы оң шешім шығарса – «Даму» Қорына несие шарты мен қабылданған шешім жайлы ескерту-хатты жолдайды

3) Содан кейін Қор кепілдік міндеттемесін ұсынып, банк-кәсіпкер-Қор арасында субсидия жайлы үшжақты шарт жасалады.

Бағдарлама шарттарымен толығырақ танысу үшін Қордың сайтына https://damu.kz/programmi/  сілтемесі бойынша кіру керек.  ☎️ Сондай-ақ қосымша сұрақтар болған жағдайда 1408 қысқа нөміріне қоңырау шалуға болады.