СЭЗ «Астана – новый город»

Арнайы экономикалық аймақтар экономика салалары мен аймақтардың қарқынды дамуы және инвестициялар тарту, өнім өндіру көрсеткіші жоғары және бәсекеге қабілетті өндірістерді құруға, заманауи технологияларды тарту мақсатында құрылады.

«Астана – жаңа қала» АЭА

Жалпы ауданы – 7 018,72 га (Әкімшілік бизнес орталығы. №1 Индустриалдық  паркі) Қолданылу мерзімі – 2027 жылға дейін.

«Астана – Технополис» АЭА

Жалпы алаңы – 631,92 га (Назарбаев Университеті, Индустриалдық  паркі №2) Іске асыру кезеңі 2042 жылға дейін.

АЭА-ның қатысушыларына арналған преференциялар

Салық жеңілдіктері:

• Жер салығы – 0%;
• Қосылған құн салығы (ҚҚС) 0%;
• Мүлік салығы мөлшерлемесі– 0%;
• Жер телімін пайдалану үшін төлем ақысы – 0%.

Кеден жеңілдіктері:

• АЭА аумағына әкелінген кезде шикізат пен жабдыққа кедендік төлемдер салығынан босату;

сондай ақ:

• Басқарушы компанияның болуы;
• Дайын инфрақұрылымның болуы;
• АЭА мерзімінен аспайтын тегін жер учаскесі болуы;
• Жергілікті атқарушы органдардың шетелдік жұмыс күшін тартуға рұқсат беруі Қазақстан Республикасының заңнамасына сәйкес, бірақ отандық еңбек нарығында үміткерлерді құрылыс кезеңіне және пайдалануға тапсырылғаннан кейін бір жылдан кейін іздеусіз жеңілдетілген түрде жүзеге асырылады;

«Астана – жаңа қала» және «Астана – Технополис» АЭА аумағында жобаларды жүзеге асыру  бойынша «Астана – Технополис» АЭА Басқарушы компаниясы» АҚ-мен байланысу керек http://technopolis.kz .

Мемлекеттік мекемелермен, даму институттарымен және Нұр-Сұлтан қаласының басқа да инвестициялық қызмет субъектілерімен инвестициялық жобаларды сүйемелдеу сұрақтары бойынша әрекеттестік https://investinastana.kz .

«Астана – жаңа қала» АЭА №1 Индустриялық паркінің аумағынан жер телімін алу бойынша анықтама 

1)Ұсынылған жобаның басымды қызмет түрлеріне сәйкестігі:

Жоба «Астана – жаңа қала» арнайы экономикалық аймағының Индустриялық паркін құру мақсаттарына сай келетін төмендегі басымды қызмет түрлеріне сәйкес келуге тиіс:

1) өзге де металл емес минералдық өнiм өндiру;

2) машиналар мен жабдықтарды жасау;

3) тұрмыстық электр аспаптарын жасау;

4) резеңке және пластмасса бұйымдарын жасау;

5) химия өнеркәсібі өнімдерін өндіру;

6) металлургия өнеркәсібі;

7) электр жабдығын, оның ішінде электр-жарық беруші жабдық жасау;

8) жарық беруші аспаптарға арналған шыны компоненттерін өндіру;

9) тамақ өнімдерін өндіру;

10) сүрек массасы мен целлюлоза, қағаз бен картон өндіру;

11) жиһаз жасау;

12) автокөлік құралдарын, трейлерлер мен жартылай тіркемелерді жасау;

13) темір жол локомотивтері мен жылжымалы құрамды жасау;

14) әуе және ғарыштық ұшу аппараттарын жасау;

15) негізгі фармацевтикалық өнімдер мен препараттарды өндіру;

16) электрондық бөлшектер жасау;

17) қойма шаруашылығы және қосалқы көлік қызметі;

18) жобалау-сметалық құжаттамаға сәйкес инфрақұрылым объектілерін, әкімшілік және тұрғын-үй кешендерін салу және пайдалануға беру;

19) жобалау-сметалық құжаттамаға сәйкес ауруханаларды, емханаларды, мектептерді, балабақшаларды, музейлерді, театрларды, жоғары және орта оқу орындарын, кітапханаларды, оқушылар сарайларын, спорт кешендерін салу және пайдалануға беру;

20) жобалау-сметалық құжаттама шегінде қызметтің басым түрлерін жүзеге асыру үшін тікелей арналған объектілерді салу және пайдалануға беру.

2) Нұр-Султан қаласы әкімінің атына жер телімін бөлу туралы өтініш беру:

Жоба жоғарыда аталған қызметтің басым түрлерінің біріне сәйкес келген жағдайда, жобаға өтініш беруші Нұр-Султан қаласы әкімінің атына АЭА аумағынан талап етілетін учаскенің алаңы мен мақсатын көрсете отырып өтініш білдіруі тиіс.

3) Өтінішке жауап алғаннан кейін «Астана – Технополис» АЭА Басқарушы компаниясы» АҚ-на төмендегі құжаттарды тапсыру қажет:

1) уәкілетті органмен бекітілген нұсқа бойынша өтініш берушінің сауалнамасы;

2) заңды тұлғаны мемлекеттік тіркеу (қайта тіркеу) туралы анықтама;

3) өтініш берушінің бірінші басшысының жеке басын куәландыратын құжаттың көшірмесі;

4) заңды тұлға жарғысының көшірмесі;

5) заңды тұлғаның жоғары органының арнайы экономикалық аймақ аумағында қызметті жүзеге асыру туралы шешімінің көшірмесі;

6) өтініш берушінің бірінші басшысы немесе оны алмастыратын адам, сондай-ақ бас бухгалтер (бухгалтер) қол қойған, соңғы есептік күнге қаржылық есептіліктің көшірмесі;

7) жобаның уәкілетті орган белгілеген талаптарға сай келетін техникалық-экономикалық негіздемесі қоса беріледі.

8) қызмет көрсететін банктің өтініш берушінің банктік шоттары бойынша ақша қозғалысы туралы үзінді көшірмесі және кредиттік бюродан алынатын кредиттік есеп;

9) тіркеу есебіне қойылған жері бойынша мемлекеттік кіріс органының салықтар және бюджетке төленетін басқа да міндетті төлемдер бойынша берешектің бар немесе жоқ екені туралы анықтамасы қоса беріледі.

– сондай-ақ таныстыру материалдары .

Жоғарыда аталған құжаттарды «Астана-Технополис» АЭА Басқарушы компаниясы» АҚ-на  тапсыру қажет.

4) «Астана – жаңа қала» арнайы экономикалық аймағына инвестициялық жобаларды іріктеу жөніндегі Үйлестіру кеңесінің отырысында жобаны қарау:

Құжаттардың толық пакетін тапсырған соң жобаны ұсынушы таныстырылым материалдарын (электрондық түрде power point форматында) әзірлеп, 5 минут регламентпен сөз сөйлеуге тиіс. «Астана – жаңа қала» арнайы экономикалық аймағына инвестициялық жобаларды іріктеу жөніндегі Үйлестіру кеңесі отырысының қорытындысы бойынша жобаны Индустриялық парктің аумағында жүзеге асыру туралы хаттамалық шешім шығарылады.

Оң шешім қабылданған жағдайда, «Нур-Султан қ. Сәулет, қала құрылысы және жер қатынастар басқармасы» ММ-не жер телімін рәсімдеу және АЭА-ның қатысушысы ретінде қызметті жүзеге асыру туралы келісім-шарт жасасу үшін «Астана-Технополис» АЭА Басқарушы компаниясы» АҚ-на  хаттаманың көшірмесін жолдайды.

Қосымша ақпарат алу үшін «Астана-Технополис» АЭА Басқарушы компаниясы» АҚ-на  Нұр-Сұлтан қ., Қабанбай даңғылы, 53 мекен-жайы бойынша хабарласу қажет.

Тел.: 70-94-34, 70-94-15, 70-94-14, 70-94-32.

Электрондық пошта: info@technopolis.kz